जेनजी प्रदर्शनका क्रममा मृत्यु हुनेको ३४ पुग्यो संख्यारामेछाप कारागारबाट कैदी भाग्न खोजेपछि चल्यो गोली, २ जनाको मृत्यु
वि.सं.२०८२ भदौ २६ बिहीवार ०९:४८
221
shares
shares
रामेछाप । रामेछाप कारागार तोडेर भाग्न खोजेका कैदीलाई रोक्न गोली चल्दा २ जनाको मृत्यु भएको छ ।
बिहीबार बिहान कैदिबन्दीले विभिन्न च्यानलमा लगाएको ताल्चा फोडेर भाग्न खोजेपछि कैदीलाई नियन्त्रणमा लिन नेपाली सेनाले गोली चलाउँदा २ जनाको मृत्यु भएको रामेछापका प्रमुख जिल्ला अधिकारी श्यामकृष्ण थापाले जानकारी दिए ।
एकजना कैदी गम्भीर छन् भने अन्य १० जना पनि घाइते भएको थापाले बताए । ‘सम्झाउँदा बुझाउँदा पनि नमानेर बलजफ्ती निस्कन र नाराबाजीसहित जेल तोडेपछि स्थिति नियन्त्रणमा लिन गोली चलाउन पर्यो’, प्रमुख जिल्ला अधिकारी थापाले भने ।
घाइतेहरुको रामेछाप अस्पतालमा उपचार भइरहकोछ । अहिले कारागार नियन्त्रणमा लिइसकेको प्रमुख जिल्ला अधिकारी थापाले जानकारी दिए ।
कारागारमा महिला १६ तथा पुरुष ३१८ गरी ३३४ जना कैदी थिए ।
