काठमाडौं । सुशीला कार्की नेतृत्वको सरकारमा आज चार जना नयाँ मन्त्री थपिँदै छन् ।

पर्यटनमन्त्रीमा गणपतिलाल श्रेष्ठ, स्वास्थ्यमन्त्रीमा सुधा गौतम, युवा तथा खेलकुदमन्त्रीमा बब्लु गुप्ता र खगेन्द्र सुनारलाई श्रम श्रम, रोजगार तथा सामाजिक सुरक्षामन्त्री बनाउन लागिएको हो । उनीहरूको आजै साँझसम्म शपथको तयारी छ ।

मन्त्रीमा लागि सिफारिस भएकी डा.सुधा शर्मा स्वास्थ्य मन्त्रालयको पूर्व सचिव एवमं स्त्री तथा प्रसूति रोग विशेषज्ञ हुन् । यस्तै गणपतिलाल श्रेष्ठ सम्पदा संरक्षण अभियन्ता हुन् । उनले विभिन्न क्षेत्रमा गएर सम्पदा संरक्षणका लागि उल्लेखीय भुमिका खेलेका छन् ।

यस्तै, खगेन्द्र सुनार दलित अधिकारकर्मी हुन् । उनी दलितको हक अधिकारका लागि लड्दै आएका छन् । ‘दलित खै ?’ भन्दै नेल लगाएर काठमाडौंमा प्रदर्शन समेत गरेका थिए । बब्लु गुप्ता सामाजिक कार्यक्रम सकृय छन् । साहार नभएकोहरुको साहारा बनेका गुप्ताले विद्यार्थीहरुलाई निशुल्क पढाउने लगायतका सामािजक कार्य गर्दै आएका छन् ।

४ जना मन्त्री नियुक्तिकाे लागि प्रधानमन्त्रीले शीतल निवासमा सिफारिसलगायतकाे तयारी गरिरहेकाे प्रधानमन्त्री निकट स्राेतले बतायाे ।