काठमाडौं । नेपाली कांग्रेसकी सांसद शान्ति बिकले रास्वपाको उपसभापति स्वर्णिम वाग्लेको विवादास्पद अभिव्यक्तिबारे प्रश्न उठाएकी छन्।

प्रतिनिधि सभाको बैठकमा बोल्दै रास्वपाको कारबाहीमा परेका महामन्त्री मुलुक ढकालको अभिव्यक्तिलाई हवला दिँदै वाग्लेमाथि प्रश्न उठाएकी हुन्।

डा.वाग्लेले नेपालले भुटानजस्तो वा भारतको हिस्सा बन्न पनि सक्ने भन्ने अभिव्यक्तिप्रति दिएको भन्दै के रास्वपा राष्ट्रवादी होइन भन्ने शङ्का उब्जाएको छ ? भन्दै प्रश्न गरिन्।

उनले भनिन्, ‘मुकुल ढकालले सार्वजनिक रूपमा नेपाललाई भारतको एक राज्य बनाइदिने अथवा भुटान स्टेट बनाइदिने भनेपछि मान्छन् भन्ने कुरा आएको छ। के त्यस्तो स्वार्थ थियो नेपालको अस्तित्व र नेपालीको स्वाभिमान सम्झौता गर्नको लागिरु भारतसँग त्यसैपनि हाम्रो सांस्कृतिक, आर्थिक, धार्मिक र ऐतिहासिक सम्बन्ध छ। मुलुक ढकालले म जस्तोसुकै छानबिनमा पनि जान तयार छु भनेको कुरा पनि छ। त्यो कुरालाई सरकारले गम्भीरता लिइयोस्।’

उनले रास्वपाले डा. सन्दुक रुइत, डा. भगवान कोइराला, कुलमान घिसिङ र पूर्व प्रधानन्यायाधीश सुशीला कार्कीजस्ता प्रतिष्ठित व्यक्तित्वहरू आफ्नो पार्टीमा प्रवेश गरेको भन्दै जनतामा भ्रम फैलाएको भन्दै आपत्ति जनाइन्।